موقع شامل للأنمــي
 
دخولالبوابةس .و .جالتسجيلقائمة الاعضاءالمجموعاتالرئيسية

شاطر | 
 

 عبدالله + نور = أحلى قصة حب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
M!SS P!NK
(مشرفة منتدى الشعر والروايات)
(مشرفة منتدى الشعر والروايات)


انثى عدد الرسائل : 275
العمر : 23
النقاط لديه :
4 / 1004 / 100

تاريخ التسجيل : 16/11/2007

مُساهمةموضوع: عبدالله + نور = أحلى قصة حب   السبت يناير 19, 2008 11:28 am

]هلا ........ شخباركم (أدري أوكي)

نور عبدالله .. قصة كويتية سعودية

اتمنى تعجبكم .. اذا لقيت تفاعل راح اكمل

اترككم مع الجزء الاول

الجزء الاول


عايلة بوراشد

ابو راشد ضابط في الجيش له مركز كبير وشخصية مهمه ..
ام راشد ام لـ 4 اولاد .. حنونة وقلبها كبير
راشد عمره 24 سنه .. يدرس في بريطانيا طب طويل وعريض وشعره اسود
هشام عمره 22 سنه شاب حبوب ودمه خفيف سنه رابعه حقوق طويل وعنده سكسوكه في ويهه وشعره اشقر على امه
نور عمرها 19 سنه .. سنه ثانيه في كلية التربية بيضا وشعرها اسود وحلوة وناعمه وملامحها هادية
فرح عمرها 12 سنه دلوعه البيت وكل طلباتها اوامر تشبهه نورشوي بس يمكن اللي يشوفها يقول انها مغروره لانها ماتحب تختلط وايد بالاغراب

عايلة بوخالد
بوخالد اخو بو راشد العود وكلمته مسموعه بالعايلة رايه صارم وافكاره رجعية شوي
ام خالد متوفيه من عشر سنين
خالد .. عمره 22 في عمر هشام .. ولد عمه وربع من الطفوله كل اسرارهم عند بعض .. سهراتهم وروحاتهم كلها م بعض .. خالد يشبهه امه اسمر وشعره اسود ومزيون
حصة الاخت الكبيرة عمرها 32 سنه متزوجه من صالح وعندها اربع اولاد وبنت
فاطمة عمرها 28 متزوجه من سالم وعندها ولد وبنت
ريم عمرها 20 تدرس بمعهد .. حبوبه وفرفوشه

عايلة بو عبدالله
محمد بو عبدالله .. ريال كبير في العمر زوجته متوفيه
وعنده عبدالله عمره33 سنه .. للحين مب متزوج ..شاب روحه حلوة وونيس بس انسان غامض وتحس في قلبه هموم واحزان كثيرة

سارة عمرها 35 سنه متزوجة بالكويت وعندها بنت وثلاث اولاد
فراس عمره 28 متزوج من اميرة وعنده بنت اسمها صبا

بو عبدالله يصير ولد عم بوخالد وبوراشد وعايش بالسعوديه

في بيت بوراشد
نور : هشــــــوم هشـــــــــوم .. ..
هشام : ها شتبين ..!!
نور : غير القناة الله يخليك الحين يحطون مسلسل نزار على دبي الحلقات الاخيرة
هشام : رووووحي زين .. متابع المبارة انا الحين موفاضيلج روحي تابعيه بالصاله
نور : اووف انتا تدري ان ابوي بالصالة يعني مااقدر اطلع شي .. تلقاه حاطه على بي بي سي ولا العربيه ..
هشام : والله انا ياي قبلج سكتي الحين خليني اشوف
نور: اووو زين الحين شسوي .. الحقلة بتطوفني يالنحيس
هشام : نوروه ان ماسكتي بالمخده على راسج
نور: ايييه طلع رجولتك علي انا المسكينة .. بس تشوف ابوي ترجف من الخوف ولسانك الطويل هذا يقصر
هشام : هيييييي انتي .. انا مااخاف الا من اللي خلقني لاتخليني اوريج شغلج الحين

(هشام ... هشام ..) بوراشد ينادي من الصاله الثانيه

هشام : اوو نور هذا صوت ابوي ياويلي شنو يبي فيني ..!!
نور : خخخخخخخخ اشوف منو مساعه يقول >> > انا ماااخاف الا من اللي خلقني ..!!
ماادري منو قاعد يتنافض الحين .. هههههااي
هشام : نورامبييييي انا قايل هاليوم شؤم من تصبحت بويهج

هشام : نور حبيبة هشوومي .. فدية هالويه اللي جنه قمر ..تعالي معاي ..!
نور: ههههههههههههااي انســـــى والله لو تحطلي 15 تلفزيون هم ماراح ايي معاك
هشام وهوا متنرفز وخايف ..: زين هييين يالدبه

راح هشام يشوف ابوه شنو يبي فيه وخذت نور الريموت وحطته على مسلسل نزار اللي تحبه وتحب اشعاره وتحلم بفارس احلامها يقول لها شعر مثل نزار ويكون رومانسي بس وين تلقى هالريال بهالزمن .. دام الريايل على شاكله هشوم وربعه .!!

في بيت بوخالد
وتحديدا في غرفة خالد .. قاعد يجهز اغراض التدريب ..وماسك التلفون بيده وهوا متنرفز
خالد : هذا وينه عيزت وادق عليه مايرد ..مو على اساس بعد المبارة بنروح التدريب ..؟؟
خلني ادق اخر مرة واذا مارد بروح عنه ..

في الصالة .. ونور متابعه مسلسلها
نور : اوووف ياربيي ان ماسكت هالتلفون بقوم اكسره .. هشوم ليش قاط تلفونه بالصاله
خذت التلفون نور تبي توديه عند اخوها بالصالة الثانيه .. ولاتشوف المتصل .. حبيبة قلبي

نور : شنو هذي سوالفك ياهشوم .. بنات هاا ..!! مم خل ارد

خالد من الطرف الثاني : الو .. انتا وينك يالدب عيزت وانا ادق عليكتدري لو مارديت كنت بروح عنك التدريب !!
خالد : ألو ... ألو....!!!
نور بقلبها .. ياويلي هذي مو بنت .. هذا صوت خلود ولد عمي الدب .. شسوي الحين ان سكرت اكيد بيدري هشوم ويسويلي سالفة .. وان ماسكرت ... مم شقول ..
نور : الو .. هلا خالد انا نور .. هشام مو عند التلفون بس يي اخليه يكلمك .. مع السلامه

طـــــــــــــــــوط طــــــــــــــوط .....

خالد : وين راح صوت الكنارياللي من شوي .. معقوله هذي نور ..!! ماشالله كبرت يحليلها
خالد حس ان صوت نور دخل قلبه وقعد يفكر فيه شلون قلب كيانه
انسدح على فراشه وخذا التلفون وحطه على قلبه وقعد يتذكر كلامها

فجأة رن التلفون ويوم شاف رقم هشوم فز ورد بسرعه يمكن يسمع هالصوت مرة ثانيه
بس طلع صوت رجولي خشن .. هشووم .. هذا انتا ..!!
هشام : ليش يعني داق عليك تتوقع بتسمع صوت غيري ..!!
خالد بقلبه .. ياليت : هاا لا ولا شي وينك انتا .. يله الحين بمرك جاهز ..!!
هشام بضيق : لاخلود روح انتا انا مالي خلق
خالد : حبيبتي شفيج زعلانه ومتاضيقه
هشام : خلود ترى مالي خلق ملاقتك .. بروحي موطايق روحي
خالد : افااا عسى ماشر .. شصاير خوفتني عليك هشام ..!! لاتقولي ابوك ؟
هشام : وفيه غيره .. تخيل خلود .. اليوم زفني زفة معتبرة يقولي شمقعدك ماشوفك ماسك كتاب؟
وتعرف نصايحه اللي ماتخلص .. وانا طبعا ماانطق وبولا كلمة تدري فيني .. ويوم خلص .. قلته يبا ترى الكورس مخلص من شهر ..!!
خالد : وبس هذا اللي مضايقك ؟
هشام : لما تنزف من ابوك مثلي تالي بتحس باللي فيني
خالد : هشام تحمل هذا ابوك وبعدين انتا المفروض تعودت عليه
هشام : تعبت خلود والله مو عيشة هذي .. ضابط في الشغل وضابط في البيت .. وياليت يدري عن شي
امي المسكينه شايلتنا من وحنا صغار .. وهو شاطر بس بالفلوس
خالد : ميخالف انتا معصب الحين .. انا بمرك نروح التدريب منها تنسى وتغير جو
هشام : خلاص مثل ماتبي .. تامرني على شي
خالد : لاياقلبي بس ابي بوستي خخخخخخخخ
هشام : هههههههههههه ويييع الله ياخذ بليسك لوعت جبدي
خالد : يله زين سمعنا هالضحكه .. يلله فمان الله
هشام : لاتتأخر .. فمان الله



في غرفة نور
نور : ياربي .. اقوله ولا لا .. امبييي فشلة .. وانا شنو هاللقافه ليش ارد على تلفونه
اووف خلص بروح اقوله احسن

طق طق طق
هشام : اوو طقه ذربه مااعتقد في احد ذرب في هالبيت يطق هالطقة اكييد امي ولا ابوي .. منو ..!!
نور : نور
هشام : شنو هالادب اللي نازل عليج من السما .. العادة تفتحين الباب على مصراعيه .. دشي ههههه يحليلج وانتي ذربه .. اقول يازين السرج على .... وانتي بكرامه ههههههه
نور : شدعوه هشوم انا طول عمري ذربة طالعه على اخوي حبيبي
هشام : نوروه .. قولي شتبين ... !! .. سلف ماعندي
نور : احم احم .. لامابي سلف .. بس بغيت اقولك اني ... رديت على تلفونك يوم كنت عند ابوي لاني قريت المتصل حبيبة قلبي وعبالي بنت ..ويوم رديت .. طلع خلود ولد عمي ..اسفه والله مادريت
هشام مسك اذن نور : يالملقوفه ثاني مرة لاتردين اشوه انه طلع خلود مو واحد من ربعي
نور وهي تتوجع وتحاول توخر ايده : آآآآي هشووم عورتني .. زين زني والله مااعيدها
هشام : زين يله طلعي انا بروح الحين ..
نور : لحظة لحظة .. ماقلتلي شنو كان يبي منك ابوي
هشام : سكتي لاتذريني بروحي ابي انسى
نور : قول زين شنو صار ؟
تدش فرح عليهم فجأة
فرح : اجتماعات واسرار من وراي .. هشوم وين رايح
ها .. الله يخليك طلعنا
العالم الحين عطله واحنا محبوسين بالبيت
هشام : انتي بالذات لا تتحجين من يومين رايحه السوق
فرح : وانتا قلتها .. قبل يومين .. الله يخليك .. نور قوليله
نور : أي والله هشوم بلييز .. انتا فاضي بعد التدريب
هشام : يما منكم انتوا ماتملون من السوق ..!! صج حريم
خلاص اذا رديت مبجر وديتكم
نور وفرح بوناسه : هياااااااااااااااا

يهمني اسمع رايكم وردوكم[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
khafsha
(مشرف منتدى الصور)
(مشرف منتدى الصور)


ذكر عدد الرسائل : 536
العمر : 28
الموقع : هِــــنـــا مو هـــنــاك !!!!!!!!!
العمل : طالب في الجامعه
مدة معرفته بالأنمي : إنت وحظك
النقاط لديه :
9 / 1009 / 100

تاريخ التسجيل : 27/09/2007

مُساهمةموضوع: رد: عبدالله + نور = أحلى قصة حب   الجمعة يناير 25, 2008 1:41 pm

حلوه القصه


احلى شي فيها إنو إسمي في القصه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
M!SS P!NK
(مشرفة منتدى الشعر والروايات)
(مشرفة منتدى الشعر والروايات)


انثى عدد الرسائل : 275
العمر : 23
النقاط لديه :
4 / 1004 / 100

تاريخ التسجيل : 16/11/2007

مُساهمةموضوع: رد: عبدالله + نور = أحلى قصة حب   الأربعاء يناير 30, 2008 1:34 pm

هههههههههههههههههههههههههههههههههه









هــــــــــــــــــــــاشـــمــ Smile


ثـــانكس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبــ ياسـر ــو
محترف في منظمة الظلام
محترف في منظمة الظلام


ذكر عدد الرسائل : 810
العمر : 26
الموقع : أدرســـ فـي مصـر
العمل : طالـــ جامعـي ـــب
مدة معرفته بالأنمي : سنــة
النقاط لديه :
18 / 10018 / 100

تاريخ التسجيل : 12/09/2007

مُساهمةموضوع: رد: عبدالله + نور = أحلى قصة حب   الخميس فبراير 14, 2008 3:10 am

طفشاااااااااااااااان.. بس قريتها للترفيه


نايـس قصة

شكلي بأبطل مسلسـلات
وارجع اقـرا قصص زي زمان

المهم وين التكملـة؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عبدالله + نور = أحلى قصة حب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الانــمي المظلــم :: المنتديات العـــامة :: منتدى الشعر والروايات-
انتقل الى: